Hér fyrir neðan er listi yfir sveina og meistara í skrúðgarðyrkju á Íslandi. Skrúðgarðyrkja er löggild iðngrein samkvæmt lögum um handiðnað nr. 42/1978. Helstu verkþættir sem tilheyra skrúðgarðyrkju er hellu- og kantsteinalagnir, hleðslur, gerð grænna svæða, uppsetning á leiktækjum og leiksvæðum barna, blágrænar ofanvatnslausnir, trjá og runnaklippingar og margt fleira sem snýr að byggingu og gerð útisvæða og umhirðu þeirra.

Sveinafélag skrúðgarðyrkju er Félag iðn- og tæknigreina en það er einnig stéttafélag garðyrkjufræðinga. Nánari upplýsingar um félagið má nálgast á www.fit.is 

Félag skrúðgarðyrkjumeistara er ætlað meisturum í faginu og þá sérstaklega þeim sem reka fyrirtæki enda er félagið aðili að Samtökum iðnaðarins og Samtökum atvinnulífsins. Félagið er opið bæði sveinum og meisturum og megin markmið þess er að styrkja stöðu fagsins og standa vörð um réttindi þeirra sem starfa í faginu. Nánari upplýsingar um Félag skrúðgarðyrkjumeistara má nálgast á www.meistari.is 

Þeir sem hafa áhuga á að fá nafn sitt birt á listanum geta sent póst á meistari@meistari.is með nafni og mynd af sveinsbréfi og/eða meistarabréfi til staðfestingar.